Dili.spektrumnasional.com || Diretór Ezekutivu Fundo de Desenvolimento do Capital Humano (FDCH), Júlio Aparicio hamutuk ho Diretór Adjuntu, Rogerio Inacio S. Miranda Lay, akompaña mós husi kargu Koordenadores no assesores no xefe unidade sira realiza enkontru ho ekipa husi Education Malaysia Global Services (EMGS) no universidade sira husi Malázia iha Gabinete Diretór Ezekutivu, Edifisiu FDCH, Colmera. (22/04/2026)

Objetivu enkontru ne’e hodi koalia kona-ba oportunidade kooperasaun sira iha futuru no nafatin hametein liutan kooperasaun ho universidade sira iha Malázia liga ho programa bolsa estudu ne’ebé FDCH implementa.

Iha enkontru ne’e parte EMSG ho universidade sira aprezenta sira nia programa oi-oin no nakloke atu halo diskusaun ho detallu no espesifiku liutan ho FDCH liga ho programa bolsa estudu ne’ebé FDCH implementa tinan-tinan . Iha oportunidade ne’e FDCH sujere ba EMGS atu fasilita ho di’ak liutan bolseiru timoroan sira ne’ebé ba hala’o estudu iha Malázia no husu atu haforsa liutan kooperasaun no komunikasaun FDCH ho EMGS no universidade sira iha Malazia hodi tau matan ba bolseiru timoroan sira.

Iha enkontru ne’e EMSG ho Universidade sira aprezzenta no konvida FDCH ho kandidatu bolseiru sira hodi partisipa iha Malaysia Education Fair ne’ebé realiza iha Timor Plaza durante loron rua 23-24 Abril (**red/(Média-FDCH)